小朋友備試情緒大「爆炸」，點算好？

小朋友唔肯備試，溫書要三催四請，相信係好多自閉兒家長面對緊嘅事。有時自閉症小朋友抗拒溫書時，遇到負面情緒會發脾氣，一發不可收拾，令家長好頭痛。家長不妨參考以下三部曲：

1. 家長首先要保持自己情緒穩定，平靜心境

2. 喺安全嘅環境及狀況下，先俾空間及時間小朋友冷靜

3. 等小朋友冷靜完之後，家長再慢慢引導小朋友講返感受，了解小朋友諗法，同時提點下次發脾氣前要注意嘅地方

自閉症小朋友往往唔識處理情緒，所以家長記得要避免打罵，講負面說話例如話小朋友無用、唔要佢等。另外，家長切勿將問題歸究於自己身上，覺得係自己做得唔好，要以平靜正面心態去看待。